Rudolph, Talitha Kumi

Tydens ''n besoek van Thalita aan Wagendrift aan die Boesmansrivier het haar suster Aletta, wie se man Marthinus Oosthuizen daar geboer het, siek geword. Die mediese beamte, dr Sparrow, van die nabygeleë Engelse militêre pos by Boesmansdrift (later Estcourt) is ontbied. Dit het, tot ontsteltenis van die familie, gelei tot ''n romanse tussen Thalita en die Engelse dokter, wat boonop ''n Katoliek was.

Toe die romanse in 1849 gevorder het tot die laaste voorbereidings aan die vooraand van die huwelik, het die familie besluit om in te gryp en Thalita te ontvoer. Ten spyte van dr Sparrow se pogings om haar met behulp van die militêre op te spoor, het die familie daarin geslaag om haar saam met haar ma oor die Natalse grens via die Vrystaat te bring tot by haar pa, wat vooruit is na sy aftreeplaas aan die Suikerbosrand.

Sy is later met haar neef getroud.